طوايش بسسسسسومة في ايام الدراسة

[بسمة]

السلام عليكم واش رايكم نحكيلكم شويا على طوايش ديالي في ايام الدراسة
ايا رايحة نبدا
في واحد نهار كنا نقراو عند استاد الفزياء هو كان يدير الدرس واحنا مجموعة الخير ههههههه يعني مجموعة الطوايش
كنا عاطينها للهدرة والضحك ايا هو في كل مرة يقولنا سكتو لي يبغي يهدر يخرج برا ويهدر
ايا انا درت عند صحبتي دلال وقتلها اويا قاع هاد النشعة ينشعنا بيها صح معليش والله متفرا ايا دار في بالي سمعني وقالنا وقيلا باغيين تخرجو بتقرير
ايا هو دار للصبورة وانا درت عند صحبتي نسرين وقتلها واش رايك نديرولو عفسة يعقل عليها طول حياتو قاتلي موافقة
ايا كانت عندنا معاه حصة بعد يومين
ايا اشرينا باكي نتاع لبيناز وقبل ما يدخل ستفتهم في الكرسي لي يقعد عليه وتفهمت مع اصحاب لكلاسا وقوتلهم مكانش لي يخبر
قالولي صح
ايا هو كان جاي مع هو سمين يبان مين ما
انا زعما درت روحي عاقلة رحت عندو ورفدت عليه الكارتاب نتاعو ايا هو دخل للكلاصا وانا رحت مسحت السبورة وقعدت فيها عام باه كملتها بلعاني وما انا جامي ولا مسحتها ايا هو راح للكرسي نتاعو ومنتبهش لبينازات ايا اقعد عليهم وناض يجري لوكان تشوفو قاع لكلاصا بدات تضحك وتتمسخر عليه ايا صاحبتي دلال قاتلي هدا حق التقرير ههههههه
ايا راح عيط للمودير والسورفايو
جاو عندنا وحنا قاع وقفنا
ايا انا درت روحي عاقلة خاطيني كيلي مدرت والوووووووووووو
ايا جاو وقعدو يفتشونا وانا لبيناز كانو عندي ايا كي قرب يوصلي قيستهم ايا قالونا شكون لي عمل هاد العملة قولنالو خاطينا ايا الاستاد شك فينا
وقال للمدير كاينة جماعة
ايا المدير والسورفايو راحو وقلو للاستاد ارسلنا الجماعة لي راك شاك فيها
ايا الاستاد قالنا صبرينة تنوض للسبورة وانا قوتلو نوض نكتب صح استاد مكانش مشكل نكتب مي واش هو الدرس ولا تلفلك كي قعدت على لبيناز
ايا قالي لا لا عند المدير قوتلو علاه نروح نجيبلك ممساحة جديدة ولا سطابيلو
قالي وقفي وسكتي قوتلو صح مي قولي منقدرش نصبر
قالي دوق نقولك قارعي
ايا عاود قال لدلال وقفي قاتلو باه نرقصو في السبورة مي خصنا المغني ايا عاود قال لامين نوض اوقف ايا امين طويل بزاااااااف والاستاد سمين وقصير
ايا راح امين قدامو ووقف وتشوف قاع قعدنا نضحكو
ايا عاود قال لنسرين نوضي قاتلو صح مي قارع دقيقة باه نوجد روحي اقبل لازمني نكون حطة قبل ما نوقف في السبورة
ايا قال لسعيد انت تاني راني شاك فيك ايا نوضنا قاع وقالنا روحو عند المودير وانا قوتلو استاد علاه باه نديرولو حفلة ولا فرقة رقص قالي روحي وسكتي شحال تهدري قوتلو باسكو عاقلة
ايا رحنا ساعة باه وصلنا عندو وحنا ندبرو الكدبة مع الطريق
ايا كي وصلنا عندو ادخلنا للبيرو وقولنالو السلام ردها علينا وقالنا صح وين راهي مسؤولة القسم قوتلو انا قالي وانت تاني راه شاك فيك قوتلو ايه
ايا قالنا شكون لي دار هاد العملة انا قوتلو معلباناش انا دج كنت نكتب في السبورة والله انا عاقلة وخاطيني تعرف نهدر مي قريب نضحك
وامين قالو انا انا انا خاطيني دج منقدرش قاع نوض بالطولة نتاعي وقعدت غير انا نهدر وقوتلو علبالك هو وحدو يكرهنا والله معلبالي علاه و بورتو نشاركو عندو ايا قالي شحال ديتي المعدل قوتلو 13.84 ايا قال لامين وانت قالو انا 9 وقال لدلال وانت قاتلو 10 وقال لنسرين وانت قاتلو 12 وقال لسعيد قالو انا انا انا هو لمخير فيهم 14 يا حصراه وهو في الحقيقة دا المعدل 8.22
ايا قالنا تجبدو لدار هاد العملة ولا قاع ندير فيكم استدعاء قوتلو انا خاطيني وهما تاني خاطيهم والله غير عاقلين ودج دخلو عندنا واحد التلاميد اخرين من لكلاصا اخرا وهم كانو في المكتب معلباناش احنا خاطينا وشفت انا في سعيد وقوتلو شحال راهي الساعة قالي باقي 3 دقايق وتصوني ايا انا قعدت نلهي في المدير حتى صونات وقالنا ايا غير روحو مي تزيد توصلني شكوى عليكم تعرفو ايا كي جينا خارجين واحد مور واحد دلال قاتلي والله قافزة لهيتيه اها الله يبارك تعرفي تكدبي مي مفاقش بينا وهو سمعها قالها ارواحي ارواحي واش راكي تقولي لصبرينة هي تلفتلها واش تقولو وانا ادخلت نجري وقوتلو لا لا كانت تهدر على بابا وقاتلي مفاقش بينا بلي احنا هما لي خصرنا الميكرو انتاعنا برك
قالي يملا اديرو طوايش حتى في الدار قوتلو في الدار ايه مي هنا لا لا هدهه متوسطة ولازم نكونو عاقلين ومحتارمين قوتلو سوغتو انا لازم نكون عاقلة ايا اقعد يضحك عليا في بالي افطنلي ايا قوتلو صح باي ماما راهي ضرك تحوس عليا لازمني نروح باه نديرلها لعشا ونديرلها حالة في الطياب
ههههههههههههههههههه نشاء الله تكون عجبتكم برك

[بسمة]

انتظر ردودكم مزال باقي طوايش