~~~ طلبك انا موافقة عليه ~~~

[ღÞЯiйCєśś MǻLοΰKǻღ]

طلبك انا موافقة عليه

وطريق فراقك هبتديه

خطوة وما اصعبها

لكن نصيبى وراضية بيه





مانا ياما بقيت عليك

وبقيت علي حبنا

ووهبت القلب ليك

ومعاك من سنة

فيه ايه حصل مابينا

بعد ماكنا وكنا

وياما كان لسكوتى معنى

من نظرة تحس بيه





فجأة اتغيرت ليه؟

ايه بعد بينا ايه؟

طلبت فراق وفاكر

انى ماهقدر عليه





وسألتك الف مرة

واستنيت تيجى بكره

وبكره وبعد بكره

تاه حلم حياتى فيه





وباشوفك ويا غيري

وانت معايا هنا

وسألتك ايه الحكاية

ومابتخيلش انا







ان الحب اللى ضم

قلبين زى قلبنا

ف ثوانى هيبقى وهم

عايشة فيه من سنة







ياما كان في قلوب معايا

وباحس بحبها

شارية وفي النهاية

انا اللى جرحتها

الكاس اللى سقيته.... دلوقتى باشربه

والمر اللى لقيته... في الصبر بادوبه





ياخسارة وميت الم

علي قلبي اللى انظلم

والقصر اللى انهدم

كان غيرك اولى بيه

طلبك انا موافقة عليه

ملاك الحزينة


_____________